Soleiðis søkir tú

Tá ið tú søkir um stuðul úr fiskavirkisskipanini, útfyllir tú eitt umsóknarblað, sum tú fært her á heimasíðuni ella við at venda tær til ALS.

Í umsóknini kunnar tú m.a. um, nær tú fekst fast starv á fiskavirkinum, um tú arbeiðir fulla tíð ella parttíð, og um arbeiðsroyndir og útbúgvingar. Haraftrat skalt tú í umsóknini hava eina váttan frá virkinum um, at tú starvast hjá teimum.

Stuðulin verður útgoldin frá tí degi, ALS hevur móttikið umsóknina frá tær – væl at merkja, um tú lýkur treytirnar fyri at fáa stuðul.