Vanaskeið
”Vani bítur best – Vani er hálva lívið”, sigur orðatakið.
Hvat er ein vani, hvat er ikki ein vani, og hvat gera vanar við lívsleið okkara?
Ein vani kann síggjast sum ein rás – jú sterkari vanin gerst, tess meira fánar grasið burtur.
Á vanaskeiðnum arbeiða vit við handfaring av vanamynstri, sum kann forða okkum at koma aftur í arbeiði ella at velja nýggja arbeiðs-/ útbúgvingarleið.
Viðskiftafólkini fáa á skeiðnum førleikar at broyta egið vanamynstur, og farið verður í djúpdina við svart-hvítari hugsan, forðingum, nýggjum gagnligum sannføringum og loysnum.
Eisini verður arbeitt við uppgávum, sum stuðla vanabroytingum.
Vit byrja við morgunmati kl. 09.00 og ábit verður á middegi.
Tíð og stað: Fjølsmiðjan hjá ALS (gamla Losjan) mikudagin 17. juni kl. 09-15, inngongdin til Fjølsmiðjuna er frá Bøkjarabrekku.
Undirvísarar: Snorri Patursson, breytasamskipari, og Sam Jakobsen, kveikjari.
Fólk, ið fáa útgjald frá ALS, hava framíhjárætt at luttaka. Skeiðið er ókeypis.
Pláss er fyri 12 luttakarum.
Tú meldar til skeiðið her.